La Svizra e l'UE duain colliar lur commerzi d'emissiuns da CO2. Suenter il Cussegl naziunal ha er il Cussegl dals chantuns decidì senz'opposiziun da ratifitgar la cunvegna.
Il sistem dal commerzi d'emissiuns è in instrument da la politica da clima cun la finamira da reducir las emissiuns da gas da serra. La Confederaziun fixescha la limita per las emissiuns da CO2. Tenor questa limita datti dretgs d'emissiuns che lubeschan ad ina tscherta quantitad d'emissiuns da CO2. Quests dretgs pon ins martgadar.
RR novitads 10:00