Siglir tar il cuntegn
cuntegn

Svizra Cussegl dals chantuns ha approvà midada da lescha d'asil

Il Cussegl federal duai dastgar far contracts cun stadis da l'UE per reparter ina part da la milliarda da coesiun. Quai per projects en connex cun la migraziun. Il Cussegl dals chantuns ha acceptà ina midada correspundenta da la lescha d'asil. La lubientscha è dentant liada vid ina pretensiun.

Purtret or dal cussegl dals chantuns.
Legenda: Keystone

Daners duai l'UE mo survegnir sch'ella chala cun las mesiras discriminantas cunter la Svizra. La chombra pitschna patratga qua en emprima lingia vid las smanatschas cunter la bursa svizra. L'equivalenza da lezza duai tenor novas infurmaziuns dals collegas da SRF mo vegnir prolungada enfin la stad. Ina prolungaziun sur quai termin ora fa l'UE dependenta dals svilups en la dumonda da la cunvegna da basa.

Cun ils bun 200 milliuns francs vul la Confederaziun sustegnair tscherts stadis da l'UE ch'èn fermamain pertutgads da la migraziun. Finamira è d'augmentar l'effizienza da las proceduras d'asil, per exempel la registraziun da persunas che dovran protecziun u era da levgiar il return en lur patria.

RR novitads 12:00