Svizra - Cussegl dals chantuns insista vinavant sin nov principi
Il Cussegl dals chantuns insista vinavant ch'i vegnia fixà en la constituziun in nov principi davart il servetsch public. La chombra pitschna ha decis da restar tar sia opiniun.
Il Cussegl naziunal però è cunter in tal artitgel. Quel n'era betg entrà en la fatschenta cun l'argument che l'artitgel na saja betg necessari cunquai che tant la Posta sco er il traffic public funcziunian.
Il bal è cunquai puspè tar la chombra gronda. Di quella danovamain na, è la fatschenta giud maisa. Cas cuntrari vegn il pievel a stuair decider.
