Siglir tar il cuntegn

Header

video
Revisiun da la lescha da chatscha
Or da Telesguard dals 29.09.2022.
laschar ir. Durada: 3 minutas 50 Secundas.
cuntegn

Cussegl dals chantuns Regular lufs sco capricorns

Avant dus onns ha il suveran svizzer ditg Na ad ina revisiun da la lescha da chatscha, uss datti ina nova emprova. Quella sa focusescha mo sin il luf e sia regulaziun.

Il Cussegls dals Chantuns vul che lufs vegnan regulads sco capricorns. Quai vul dir ch’ins definescha onn per onn quants lufs ch'ins po dar liber per la chatscha. Quai vul er dir ch'i fiss nov er pussaivel da sajettar entirs trieps. Il Cussegl dals chantuns ha votà sco emprima chombra cun 31 cunter 6 vuschs per la proposta che sia cumissiun per ambient ha preparà. Il Cussegl naziunal sto pir anc decider en chaussa.

audio
Impressiuns da la debatta
ord Actualitad dals 29.09.2022.
laschar ir. Durada: 6 minutas 6 Secundas.

Il Cussegl federal sustegna la proposta per la lescha da chatscha. Sco ch'el scriva, na duain lufs betg vegnir sajettads pir suenter ch'els han chaschunà donns. La regulaziun dals lufs gidia ad impedir donns en l'avegnir.

Cussegliers da las partidas burgaisas han sustegnì questa proposta. Sche la populaziun dals lufs creschia vinavant sco fin ussa dettia il ristg che las alps vegnian bandunadas, ha admonì Stefan Engler (Allianza dal Center/ GR). Cussegliers e cusseglieras dals Verds e da la PS han crititgà la lescha. La chatscha annuala na fetschia betg segn perquai ch’il focus na vegnia betg mess sin ils lufs problematics, ha ditg Daniel Jositsch (PS / ZH). Auters han accentua che la convivenza tranter luf, umans ed animals na vegnia betg promovida cun la nova lescha.

Critica da las Organisaziuns per l'ambient

Avant bundant in onn èn tut las organisaziuns che han pled en chaussa luf, sesidas vi dad ina maisa. E tgi avess pensà: Las discussiuns han purtà fritg. In cumpromiss pareva palpabel.

audio
Prevista sin la debatta davart la lescha da chatscha
ord Actualitad dals 29.09.2022.
laschar ir. Durada: 5 minutas 15 Secundas.

Tenor las organisaziuns per l’ambient è la proposta che vegn tractada oz en il Cussegl dals chantuns dentant dalunsch davent da quel cumpromiss.

Jau sun dischillusa che la proposta da la cumissiun dal Cussegl dals chantuns na resguarda betg il cumpromiss che nus avain fatg cun tut las organisaziuns involvidas.
Autur: Ursula Schneider Schüttel Presidenta Pro Natura / cussegliera naziunala FR/PS

Ins era sa cunvegnì da pudair regular il luf pli svelt ed era a moda preventiva. Las organisaziuns per l'ambient manegiavan cun quai da pudair sajettar pli svelt lufs era sch'els n'han anc betg fatg gronds donns. Percunter è per l’Uniun purila svizra l’interpretaziun da preventiv, da pudair regular ils lufs sco ils capricorns. 

audio
Lescha da chatscha – pro e contra
ord Actualitad dals 29.09.2022.
laschar ir. Durada: 4 minutas 21 Secundas.

Quai vul dir ch’ins definescha onn per onn quants lufs ch'ins po dar liber per la chatscha. Quai n'è betg pli pauc, di il pli aut pur svizzer Markus Ritter.

Jau na tema betg in referendum. Jau sun segir che nus gudagnassan quel.
Autur: Markus Ritter President purs svizzers / cusseglier naziunal AdC/SG

Er la gruppa da lavur per ils territoris da muntogna SAB, che era part da la maisa radunda, crititgescha la proposta actuala. Cun il nov reglament saja be pussaivel da sajettar lufs d'atun. I saja però necessari dad intervegnir durant ils mais da stad cura ch'i dat ils donns sin las alps, ha ditg il directur da la SAB Thomas Egger.

Organisaziuns da l'ambient ed ina part da la sanestra spera ch'il Cussegl naziunal, che tracta l’affar sco proxim, possia schluccar la revisiun. Uschiglio pudessi bain esser ch'i dat in referendum ed il pievel ha puspè l’ultim pled en chaussa.




Discussiuns dapi 2014

Il cusseglier dals chantuns Stefan Engler aveva inoltrà l'onn 2014 la proposta per midar la lescha da chatscha. Il pievel svizzer ha dentant refusà quella avant dus onns. Tge ch'el spetga da la segunda emprova, di Stefan Engler en l'intervista cun RTR.

audio
Lescha da chatscha – intervista cun Stefan Engler
ord Actualitad dals 29.09.2022.
laschar ir. Durada: 1 minuta 39 Secundas.

RTR actualitad 07:00

Artitgels legids il pli savens

Scrollar a sanestra Scrollar a dretga