Siglir tar il cuntegn
Inhalt

Svizra Cussegl federal approvescha tariffa speziala per hotellaria

Il cussegl federal ha decis da vinavant laschar la tariffa speziala da la taglia sin plivalur per la hotellaria quai ina giada per 10 onns.

Purtret d'ina chombra da hotel.
Legenda: La hotellaria na sto betg pajar dapli taglia sin la plivalur. Keystone

La proposta da laschar la tariffa speziala da la taglia sin la plivalur per la hotellaria è vegnida da la cumissiun d’economia dal cussegl naziunal. Sin in'iniziativa parlamentara aveva la cumissiun elavurà questa midada da lescha. La fin dal 2017 fiss questa tariffa speziala da la taglia sin plivalur per la hotellaria vegnida abolida.

Cun ils 8% taglia sin la plivalur per la hotellaria perdia la Confederaziun bain 200 milliuns francs ad onn. El haja dentant gia quintà en quai en il plan da finanzas dal 2018 enfin il 2020. Plinavant na fetschia nagin senn d'auzar questa tariffa speziala il mument resguardand la situaziun actuala da la hotellaria.

La tariffa speziala per la hotellaria è vegnida manada en il 2001. Dapi lura ha il parlament gia prolungà tschintg giadas questa tariffa. Actualmain è questa tariffa sin 3,8%. La taglia sin la plivalur normala è sin 8%, la taglia reducida è 2,5%.

RR novitads 17:00