Beat Jans, il president da la regenza da Basilea ed anteriur Cusseglier naziunal da la PS vul daventar cusseglier federal. Quai ha el dà enconuschent avant las medias a Berna. Jans ch'ha 59 onns è cunquai il quart politicher da la PS che vul far la cursa per la successiun dad Alain Berset.
Legenda:
Beat Jans annunzia sia candidatura ils 22 da settember a Berna. Sper el la presidenta da la PS da Basilea-Citad Lisa Mathys.
Keystone
Dasper il Basilais han gia ils dus cussegliers naziunals Matthias Aebischer e Mustafa Atici sco era il cusseglier dals chantuns Daniel Jositsch annunzià lur candidatura. Ils 25 da november decida la fracziun da la PS davart il ticket dal Cussegl federal. Fin ils 29 d'october pon ils commembers e las commembras da la PS anc annunziar lur candidatura, lura elegia la fracziun e preschenta quel a l'Assamblea federala.
