Siglir tar il cuntegn

Header

cuntegn

Cussegl Federal Construcziun d'ovra electrica da reserva po cumenzar

Las lavuras da construcziun per l'ovra da reserva a Birr (AG) pon cumenzar ils proxims dis. Quai è pussaivel uschè spert, perquai ch'il Cussegl federal ha decis dad evitar la procedura da permissiun ordinaria, e pussibilitar in permis accelerà sin basa da la lescha da provediment dal pajais. L'ovra da reserva da gas duai avair 8 turbinas ed er funcziunar cun ieli ed idrogen en cas d'ina mancanza da gas. Ella vegn ad avair ina prestaziun da 250 megawatts – quai ch'è circa in quart da l'ovra atomara Leibstadt. Ils custs per tut il temp da manaschi èn tenor la Confederaziun 470 milliuns francs.

audio
Per tadlar: curt e cumpact
ord RTR Audio dals 23.09.2022.
laschar ir. Durada: 40 Secundas.

Il 2020, in onn suenter che l'ovra atomara Mühleberg è vegnida messa giu, aveva la Confederaziun planisà da construir ovras da gas da reserva per garantir la segirezza dal provediment cun energia. Pervi da la situaziun actuala sin il martgà d'energia vul la Confederaziun accelerar la construcziun da quellas.

L'ovra a Birr duai esser a disposiziun fin circa l’onn 2026 e po vegnir duvrada tenor il plan davent dal favrer 2023.

RTR novitads 12:00

Artitgels legids il pli savens

Scrollar a sanestra Scrollar a dretga