Siglir tar il cuntegn

Svizra Cussegl federal cuntent cun sia lavur dal 2014

Ils Cusseglier federals èn cuntents cun lur lavur prestada l'onn passà. Tenor il rapport da fatschenta ch'è vegnì publitgà, hajan ils singuls departaments cuntanschì dal tut, u almain per part, la gronda part da las finamiras.

Ils Cusseglier federalas ensemen cun la chanceliera federala en lur biro.
Legenda: Cunzunt cuntents èn els cun la lavur prestada en il sectur da la migraziun. Keystone

Las prognosas da conjunctura per il 2015 valitescha il Cussegl federal sco positivas. Il rapport è dentant vegnì scrit il december, pia avant l'aboliziun dal curs minimal da l'euro. Tenor il rapport aveva la regenza fatg quint che quel vegnia anc a valair ditg.

Maschadada è la bilantscha quai che pertutga la finamira da rinforzar la relaziun tranter la Svizra e l'UE.

Dumondas d'asil

Cuntanschì las finamiras hajan ins tranter auter quai che pertutga "nizzegiar las schanzas da la migraziun". La regenza renda qua attent a la refurma d’asil planisada ed a la cunvegna cun l’UE davart ina participaziun svizra al biro europeic en dumondas d’asil.

RR novitads 12:00