Il december aveva il Cussegl federal decis che radund 800 persunas da la Siria dastgan vegnir quest onn en Svizra. I sa tracta da persunas che l'UNHCR ha gia renconuschì sco fugitivs. La decisiun aveva chaschunà grondas discussiuns en il parlament.
Vegn decidì mintga dus onns da nov
Il concept prevesa ch'i vegn decidì da nov mintga dus onns davart in program che duai pigliar si 1'500 fin 2'000 fugitivs. Sch'il dumber da dumondas d'asil creschiss ferm, pudess il dumber vegnir reducì u ins pudess chalar dal tut da pigliar si fugitivs da contingent.
Il Cussegl federal aveva annunzià il december, da vulair consultar la cumissiun parlamentara davart questa dumonda. Quella ha uss piglià enconuschientschà da quella.
RR novitads 18:00