Siglir tar il cuntegn

Header

Navigaziun

Chasa federala.
Legenda: Keystone
cuntegn

Svizra Cussegl federal duai contractar vinavant cun l'UE

La cumissiun d'economia dal Cussegl dals chantuns n'è betg cuntenta cun las negoziaziuns ch'il Cussegl federal ha fatg en connex cun la cunvegna da basa cun l'UE.

Sco ch'il president da la cumissiun, il cristiandemocrat Pirmin Bischof, ha ditg avant las medias a Berna, na saja betg cler, tge consequenzas che la cunvegna vegn ad avair per la Svizra. Cun lur moziun veglian els perquai pretender scleriment e procurar per las garanzias necessarias.

Uschia duai il Cussegl federal tractar vinavant davart la cunvegna da basa. Meglierar duess el surtut ils puncts ch'èn schon vegnids crititgads las emnas passadas. Tar la protecziun da las pajas duess il Cussegl federal cuntanscher meglieraments e garanzias. Vinavant duess il Cussegl federal pretender da l'UE la garanzia che l'uschenumnada directiva davart ils dretgs dals burgais da l'UE na sto betg vegnir surprendida.

RR actualitad 17:30