Svizra - Cussegl federal duai far megliers protocols
Suenter il Cussegl dals chantuns pretenda era il Cussegl naziunal ina meglra protocollaziun da las sesidas dal Cussegl federal. El ha approvà ina moziun correspundenta da la cumissiun da gestiun, quai cunter la veglia dal Cussegl federal.
Ils protocols da las sesidas da la regenza èn gia daditg in crap da stgarpitsch tranter la surveglianza parlamentara ed il Cussegl federal. La cumissiun da gestiun crititgescha praticamain en mintga rapport che las discussiuns en il Cussegl federal na possian betg vegnir suandadas sufficientamain cun agid dals protocols. Ella pretenda perquai dapli infurmaziuns.
