Siglir tar il cuntegn
cuntegn

Svizra Cussegl federal è cuntent

Ils trais Cusseglier federals responsabels èn sa mussads cuntents cun ils resultats da la dumengia da votaziuns.

Trais Cussegliers federals cuntents: Johann Schneider-Ammann, Alain Berset e Doris Leuthard.
Legenda: Trais Cussegliers federals cuntents: Johann Schneider-Ammann, Alain Berset e Doris Leuthard. Keystone

A la conferenza da medias ha sco emprima Doris Leuthard exprimì ses plaschair davart l’approvaziun dal conclus federal davart las vias da velos. La Confederaziun vegnia a sustegnair a moda cumprovada las lavurs da las vischnancas e dals chantuns, quai en favur da vias da velo segiras ed attractivas.

NA a las duas iniziativas agraras

Las discussiuns enturn l'iniziativa da fair-food hajan mussà che quella tangheschia in tema impurtant, ha ditg Alain Berset.

Il cler na a l’iniziativa per la suveranitad alimentara mussia ch’ils consuments sajan cuntents cun la situaziun actuala, di Johann Schneider-Ammann. El saja perquai fitg cuntent ch’il suveran na veglia betg manar enavos la roda dal temp en l’agricultura, mabain cuntinuar consequentamain la via en direcziun dad in’agricultura che possia concurrer cun la fiera.

Legenda: Guardar il video Votaziuns federalas. Durada 01:36 minutas.
Or da Telesguard dals 23.09.2018.

RR votaziuns 23-09-2018