Persunas cun impediment na duain betg vegnir discriminadas. Per quai vul il Cussegl federal adattar la lescha davart l'egualitad da persunas cun impediments. El propona midadas che pertutgan dus puncts centrals:
- Patruns e patrunas da lavur duain vegnir obligadas da prender mesiras supportablas, uschia che persunas cun impediments pon lavurar egualmain a persunas senza impediment e quai senza vegnir discriminadas. Quai savess per exempel esser cun porscher guaffens ed agids da lavur tenor ils basegns da persunas cun impediments.
- Purschidas per la publicitad duain esser accessiblas a tuts e tuttas. Privats duain vegnir obligads da prender mesiras supportablas per che persunas cun impediments possian far diever dallas purschidas senza obstachels.
Fin la fin dal 2023 datti ina proposta per la revisiun parziala da la lescha davart l'egualitad da persunas cun impediments. Lura sto il parlament anc decider davart la midada da la lescha. Plinavant vul il Cussegl federal far ulteriurs pass envers dapli egualitad:
- reglar liantamain co la lingua da segns svizra vegn renconuschida
- sclerir, co ch'ins pudess gidar persunas cun impediments da chattar abitaziuns: savens hajan ellas sfidas tar quai e na pon betg decider a moda libra co ellas vulan abitar
- sclerir co ch'ins po rinforzar la participaziun activa en la societad: er la curatella cumplessiva vegn sut la marella, quella restrenschia la participaziun fermamain
Quai è tut part da la politica da persunas cun impediments 2023-2026. Davart quella ha il Cussegl federal infurmà venderdi tar ina conferenza da medias.
audio
Per tedlar: rinforzar dretgs da persunas cun impediments
ord Actualitad dals 10.03.2023.
Maletg: Keystone
laschar ir. Durada: 2 minutas 5 Secundas.