Siglir tar il cuntegn

Header

video
«Cuntraproposta duai esser supportabla per economia e social»
Or da News-Clip dals 11.08.2021.
laschar ir
cuntegn

Cussegl federal Finamira «netto nulla emissiuns» en la constituziun

Il Cussegl federal vul enfin l'onn 2050 reducir las emissiuns da gas cun effect da serra sin netto nulla. El ha preschentà questa finamira da clima sco cuntraproposta directa a l'iniziativa per ils glatschers e vul scriver ella en la constituziun. Uschia ha infurmà la ministra d'ambient Simonetta Sommaruga avant las medias. Fixar la finamira da clima en la constituziun dettia segirtad da planisar ed investir, uschia Sommaruga.

Gia il 2019 aveva il Cussegl federal decidì la vulair reducir las emissiuns sin netto nulla enfin il 2050. Il schaner 2021 aveva el lura confermà questa finamira cun la strategia da clima a lunga vista. Cun la cuntraproposta directa a l'iniziativa per ils glatschers vul la regenza uss fixar quai en la constituziun. Per pudair far quai dovri ina maioritad dal pievel e dals chantuns.

Davart l'iniziativa per ils glatschers na decida il suveran betg avant la fin dal 2022.

audio
Cuntraproposta tar «iniziativa da glatschers»
01:47 min, Actualitad dals 11.08.2021.
laschar ir. Durada: 01:47 minutas.

Ord l'archiv

Er il chantun Grischun ha preschentà sia strategia da clima per ils proxims decennis.

audio
Plans dal Green Deal grischun
03:41 min, Actualitad dals 10.08.2021.
laschar ir. Durada: 03:41 minutas.

RTR novitads 15:00 ;

Artitgels legids il pli savens

Scrollar a sanestra Scrollar a dretga