Pertge duess la PLD anc adina avair dus sezs en il Cussegl federal. Quella dumonda stat dapi las elecziuns naziunalas dals 20 d'october en l'aria. Tar la proxima vacanza stoppian ils Verds pudair trametter in represchentant u ina represchentanta en il Cussegl federal. Quella pretensiun han ils Verds e la PS gia annunzià il di da las elecziuns.
Verds duajan l'emprim cumprovar cumpetenza
Per l'emprima giada dapi la dumengia d'elecziuns ha la presidenta da la Partida liberaldemocratica, Petra Gössi, prendì posiziun, en connex cun il clom d'ina represchentanza verda en la regenza federala. Suenter lur victoria electorala stoppian ils Verds l'emprim cumprovar cumpetenza, avant che pretender in sez en il Cussegl federal, ha ditg Gössi en la «Samstagsrundschau» da Radio SRF.
En vista a l'elecziun dal Cussegl federal, ils 11 da december saja cler per ella, tut stoppia star sco fin qua. Ella saja persvasa che la Svizra dovria stabilitad. Betg reeleger in cusseglier federal en uffizi, na correspundess betg a quai, uschia Gössi.
RR novitads 15:00