Sch'ins tschertga en la rait, lura mussan Google ed autras maschinas da tschertgar savens cuntegn da medias svizras. Uschia per exempel text u fotografias. Per gliez na pajan questas maschinas da tschertgar en regla betg. Quai duai sa midar.
Google ed autras maschinas da tschertgar duain en il futur pajar, sch'i mussan extracts d'artitgels da gasettas en ils resultats da la tschertga. Quai propona il Cussegl federal. Il coc da la proposta è che maschinas da tschertgar grondas che fan gudogn ston remunerar schurnalistas ed editurs. Per valair sco gronda sto ina maschina da tschertgar vegnir duvrada da 10% da la populaziun svizra.
Per l'utilisader u l'utilisadra na duai sa midar nagut cun quai. La proposiziun dal Cussegl federal va uss en consultaziun. Partidas, intepresas ed organisaziuns pon prender posiziun.
