Siglir tar il cuntegn

Header

video
«Schluccar n'è il mument betg realistic»
Or da News-Clip dals 03.02.2021.
laschar ir
cuntegn

Cussegl federal ha infurmà Naginas schluccadas grondas la fin favrer

Malgrà che las cifras d'infecziun mussian en ina buna direcziun, fetschian las novas variantas dal virus quitads. Aifer in'emna sajan ils cas da mutaziun sa dublegiads, ha declerà Alain Berset avant las medias.

La situaziun actuala na sforzia dentant betg il Cussegl federal a novas restricziuns. Medemamain saja quai er memia baud da decider davart schluccadas. Las mesiras actualas restan en vigur enfin almain la fin dal mais. Er suenter na saja plitost betg da quintar cun grondas schluccadas, quai per evitar ina terza unda.

audio
Cussegl federal vesa trend positiv - ma betg anc per schluccadas
04:46 min, Actualitad dals 03.02.2021.
laschar ir. Durada: 04:46 minutas.

Vaccin gratuit per diplomatas e cunfinaris

Da nov surpiglia la Confederaziun er ils custs per vaccinaziuns da persunas che vivan en Svizra che n'han però betg ina assicuranza da malsauns obligatorica sco diplomatas e diplomats. Il medem vala er per cunfinarias e cunfinaris che n'èn betg assicurads en Svizra che lavuran però en il sectur da sanadad svizzer. La finamira saja da simplifitgar l'access al vaccin, uschia il Cussegl federal. Pertutgadas da questa nova regulaziun èn bun 150’000 persunas.

Confederaziun fa trais novs contracts da vaccins

La Confederaziun ha signà trais contracts per la furniziun dad en tut 17 milliuns dosas vaccin, quai communitgescha l’Uffizi federal da sanadad. 5 milliuns dosas duain vegnir dal concern da farmazia Curevac, 6 milliuns da Novovax. Uschia survegn la Svizra access a dus novs vaccins, sche quels survegnan la lubientscha da Swissmedic. Ultra da quai ha la Confederaziun segirà ulteriuras 6 milliuns dosas da Moderna. Sper quai ha Swissmedic dentant er communitgà che las datas da AstraZeneca na bastian anc betg per la lubientscha.

1'796 novas infecziuns

L'uffizi federal da sanadad ha registrà 1'796 novas infecziuns aifer in di. 39 da quellas en il Grischun. La media dals ultims set dis è cunquai tar 1'642 cas, in minus da 15% cumpareglià cun l'emna passada. Il BAG annunzia plinavant 42 ulteriurs mortoris en connex cun il virus. Plinavant hai dà 74 novas ospitalisaziuns. En ils ospitals grischuns sa chattan il mument 30 persunas, tuttina bleras sco il di avant.

RTR novitads 15:00

Artitgels legids il pli savens

Scrollar a sanestra Scrollar a dretga