Suenter che l'identificaziun electronica ha fatg naufragi a l'urna vul il Cussegl federal lantschar ina nova emprova. En la sesida dad oz ha la regenza dà enconuschent la direcziun.
La nova emprova per ina E-ID è vegnida fatga cun ina consultaziun informala, nua che radund 60 posiziuns èn entradas. Ina da las differenzas principalas tar l'ultima proposta è che be il stadi ha il dretg da dar ora la E-ID. Uschia duain las utilisadras ed ils utilisaders avair la controlla sur da las atgnas datas. Per garantir la protecziun da datas duessan quellas vegnir arcunadas a moda decentrala.
L'identitad electronica duai pudair vegnir duvrada tar posts statals sco er privats.
Il nov sboz per ina identitad electronica vul il Cussegl federal elavurar fin mez da l'onn proxim.