Il Cussegl federal ha ordinà ina midada da lescha en il Cudesch civil svizzer. La KESB, l'autoritad per la protecziun d'uffants e da creschids sto infurmar dapli uffizis davart sias decisiuns.
Fin uss infurmescha ella ils uffizis da stadi civil sch'ella prenda mesiras per proteger creschids. Uss ha ella suenter la midada da lescha davent dal prim da schaner 2024, d'infurmar supplementarmain uffizis da scussiun, da documents d'identitad, da registers funsils e tut tenor cas la vischnanca da domicil.
Ulteriura midada en cosultaziun
Cun la midada da lescha ha il Cussegl federal plinavant dà uss en consultaziun d'includer pli fitg persunas da confidenza tar las decisiuns da la KESB. Quai duai capitar via ina adattaziun dal dretg da protecziun d'uffants e creschids. Uschia duain er partenarias e partenaris factics vegnir includidas, pia er sch'ellas n'èn betg partenarias e partenaris tenor lescha. Quai propona il Cussegl federal en il project.