La «Lètg per tuts» duai vegnir realisada tant pli spert. Da quest avis è il Cussegl federal. El sustegna in sboz correspundent che la cumissiun da dretg dal Cussegl naziunal ha elavurà. Quel prevesa da laschar davent per il mument pretensiuns «delicatas» per uschia meglierar las schanzas dal sboz. Pir pli tard vul il Cussegl federal reglar sche pèrs omosexuals duajan survegnir access a la medischina da reproducziun.
Per realisar la «Lètg per tuts» tanschi tenor il Cussegl federal da midar la lescha. Da midar la Constituziun na saja betg necessari.
Ord l'archiv:
Che las leschas davart lètg e famiglia na correspundan betg pli a la realitad, mussa er la perscrutaziun dad Yv E. Nay. En sia lavur da doctorat «Feeling Family» vegnan documentadas ed analisadas famiglias da geniturs dal medem sex e lur problems giuridics. Avant in mais ha Yv E. Nay dà in'intervista en ils Cuntrasts.
RTR novitads 17:00