Siglir tar il cuntegn

Header

cuntegn

Cussegl federal Locaziun po vegnir 15% pli chara, Cussegl federal vul reagir

Prender en locaziun vegn pli char en Svizra. En vista da la chareschia ed il tschain da referenza, pudess la locaziun vegnir circa 15% pli chara. Uss dat il Cussegl federal al Departament d'economia l'incumbensa d'elavurar in text. Quel duai ir en consultaziun enfin l'autra stad.

En quatter puncts vul il Cussegl federal adattar l'ordinaziun davart la locaziun e la fittanza da locals d'abitar e da fatschenta.

  • Augments generals da custs na dastgan betg pli vegnir attribuids pauschalmain a la locaziun. Da nov duai l'augment effectiv dals custs generals vegnir cumprovà. Ultra da quai duai vegnir reducida la tariffa per la cumpensaziun da la chareschia sin l'agen chapital da 40% sin 28%.
  • Il formular per communitgar il tschains da locaziun inizial vul il Cussegl federal plinavant cumplettar cun l'ultim e nov stadi vertent dal tschains da referenza e da la chareschia.
  • Ed i duai dar dapli vias da contestar augments da tschains da locaziun, e quels duain en il futur esser nudà en il formular per communitgar in augment dal tschains da locaziun.
  • Plinavant duai il Departament d'economia examinar il model da tschains da locaziun ch'i dat gia dapi 40 onns. Cun in studi scientific duai el examinar, sche quel correspunda anc a la realitad da la finanziaziun d'immobiglias d'ozendi. Il model dat avant las reglas per l'adattaziun dals tschains da locaziun.

Il Cussegl federal di dentant, ch'el na veglia betg intervegnir en contracts da locaziun u franar investiziuns en la fiera d'abitaziuns. Las mesiras duain avair in effect mitigiant sin ils tschains da locaziun.

audio
Per tadlar: las novitads da las 12:00
ord RTR Audio dals 22.11.2023.
laschar ir. Durada: 4 minutas 6 Secundas.

RTR novitads 12:00

Artitgels legids il pli savens