Siglir tar il cuntegn

Header

Contact-tracing en in'ustaria
Legenda: Occurrenzas privatas cun dapli che 100 persunas dastgan mo pli vegnir organisadas lieus ch'èn accessibels al public. Keystone
cuntegn

Cussegl federal Mesiras cunter il coronavirus duain vegnir pli severas

En il cumbat cunter il coronavirus vul il Cussegl federal tenor in sboz d'ordinaziun mesiras pli severas. Previs è in obligatori da mascras, in scumond d'inscunters cun dapli che 15 persunas en il spazi public ed ina recumandaziun da far homeoffice

Il sboz han differentas medias publitgà il venderdi saira. El datescha da venderdi suentermezdi è sa chatta en il mument tar ils chantuns en consultaziun. Tenor il sboz planischa il chantun:

  • In scumond d'inscunters cun dapli che 15 persunas en il spazi public. En gruppas pintgas vala in'obligatori da tegnair 1,5 meters distanza.
  • In'obligatori da purtar mascras tar occurrenzas privatas. Tar talas occurrenzas cun 15 fin 100 persunas, vala in'obligatori da purtar mascras sch'ils participants n'èn betg vid mangiar u baiver. Il consum è mo lubì durant seser. L'organisatur sto plinavant registrar las datas da contact dals participants.
  • Naginas occurrenzas en indrizs privats. Occurrenzas privatas cun dapli che 100 persunas dastgan mo pli vegnir organisadas en lieus ch'èn accessibels al public.
  • Recumandaziun da far homeoffice. Il Cussegl federal vul sco gia il mars/avrigl recumandar da far dapli homeoffice

La dumengia s'inscuntra il Cussegl federal enturn las 11 ad ina sesida extraordinaria, sco differentas medias rapportan. Alura vul il Cussegl federal discutar davart las mesiras. Cu la nova ordinaziun duai entrar en vigur n'è anc betg enconuschent.

RTR novitads 21:00

Artitgels legids il pli savens

Scrollar a sanestra Scrollar a dretga