Siglir tar il cuntegn
cuntegn

Svizra Cussegl federal na vul betg dapli ch’in di congedi da paternitad

In congedi da paternitad da quatter emnas è per il Cussegl federal anc adina memia char. El recumonda perquai da refusar l'iniziativa dal pievel correspundenta.

Bab cun uffant
Legenda: Il Cussegl federal na sustegn betg l'idea da prolungar il congedi da paternitad. Keystone

En la missiva davart l’iniziativa dal pievel per in pli raschunaivel congedi da paternitad ha il Cussegl federal preschentà alternativas. Quellas obligheschan cunzunt ils chantuns e las vischnancas.

Memia gronda chargia per l’economia

In congedi da paternitad da quatter emnas custia fin 420 milliuns francs per onn, uschia ha la Confederaziun calculà. Quai strapatschia l’economia svizra e pretendia da las interpresas grondas stentas organisatoricas, hai num en la missiva. Per il Cussegl federal haja la purschida da tgira d’uffants ina pli gronda prioritad. Lezzas purschidas sajan impurtantas fin che l’uffant giaja a scola e be ma curt suenter la naschientscha.

Iniziants n’èn betg cuntents

L’uniun che less prolungar il congedi da babs na chapescha betg questa decisiun dal Cussegl federal. Ella è persvada che Svizras e Svizzers decidian auter tar ina votaziun dal pievel.

Sco proxim decida il parlament en chaussa.

Legenda: Guardar il video Il congedi da paternitad - impussibel?. Durada 01:24 minutas.
Or da Nouvo RTR dals 05.07.2017.

RR novitads 14:00