In nov attest da vaccinaziun electronic vul il Cussegl federal. Quel duai esser cumpatibel cun il dossier electronic dal pazient. La moziun dal cusseglier naziunal da la PLD, Marcel Dobler, ha bunas schanzas da vegnir approvada dad omaduas chombras.
Sper il Cussegl federal, sustegnian era represchentantas e represchentants dal pievel da tut las sis fracziuns parlamentaras la moziun. Il nov attest da vaccinaziun electronic duaja remplazzar la plattafurma online «meineimpfungen.ch», esser voluntara, e vegnir duvrada en il connex medicinal ed uffizial. Ins possia era administrar las vaccinaziuns sin in'App.
L'experientscha cun il certificat da corona duaja vegnir nizzegiada en la digitalisaziun dal sectur da sanadad.