Las novas reglas pertutgan differents champs en il traffic;
- Pausadis d'autostrada dastgan vender alcohol
- Velo e motociclists dastgan er manar giu dretg sch'ina ampla mussa cotschen
- Uffants fin a 12 onns dastgan ir sin il passape cun velo sch'i na dat nagina via da velos
- Sin las autostradas vala da nov tranter auter il principi da serranetga sch'i vegn construì vi dad in vial
Quellas e bleras autras reglas ha il Cussegl federal deliberà la mesemna sco l'Uffizi federal da vias Astra ha communitgà. Las mesiras entran il prim da schaner 2021 en vigur. Las reglas succedan per part a decisiuns dal parlament.
L'atun 2017 aveva quel per exempel decis da legalisar la vendita d'alcohol tar pausadis d'autostrada. Il scumond vala dapi passa 50 onns. El era vegnì introducì il 1964 ensemen cun la limita da promlis.
Ord l'Archiv
Il «Co e cum» l'entschatta schaner 2016 ha tractà intginas da las reglas ch'èn vegnidas stritgadas avant tschintg onns.
audio
Reglas veglias da traffic che na valan betg pli
ord Co e cum dals 06.01.2016.
Maletg: DREAMSTIME
laschar ir. Durada: 2 minutas 40 Secundas.