La Postfinance duai daventar ina banca cumpletta. Cun privatisar la figlia da la posta svizra vul il Cussegl federal cuntanscher questa finamira. Concretamain duai la Posta pudair dar giu a la Postfinance sia maioritad da capital prescritta tenor la lescha. Per pudair far quai sto la lescha da posta vegnir midada. La Postfinance ha uschia la pussaivladad da daventar ina banca cumpletta e possia sa sviluppar vinavant.
A chaschun sia seduta ha il Cussegl federal decidì da stritgar en la revisiun parziala da la lescha ils passus che la Posta stoppia avair la maioritad da capital e che la Postfinance na dastgia betg dar credits ed ipotecas.
I duai ir spert
Suenter la midada saja ina nova organisaziun dal provediment da basa cun pajament sur posta e servetsch dal traffic da pajament necessari. Avant stoppian ins dentant midar la lescha da posta. La Confederaziun vul an far propostas concretas en il decurs da l'onn.
Ord l'archiv da SRF
Postfinance duai en futur er dar or credits ed ipotecas.
