El ha perquai incumbensà il departament d’economia d’elavurar in sboz correspundent per mauns dal parlament. Quel duai esser sin maisa fin ils 5 da mars da l’auter onn.
L’iniziativa refusa il Cussegl federal. Perquai ch’el chapescha però il coc da quella aveva el purtà en la debatta duas propostas per ina midada da lescha – ina varianta pli flaivla ed ina pli rigurusa. En la consultaziun era la cuntraproposta pli rigurusa fruntada sin dapli acceptanza.
La finamira è che l'iniziativa vegn retratga
Quella prevesa ch’ils criteris per exportar material da guerra vegnan pli strentgs. Quai tranter auter cun scumandar exports en pajais che violeschan grevamain ils dretgs umans. Il Cussegl federal vul però lubir excepziuns. La finamira da questa proposta è da muventar da retrair l’iniziativa.
Ord l'archiv da SRF:
Il Rendez-vous da SRF ha rapportà il mars da quest onn davart il ferm augment d'exports da material da guerra il 2019
