Siglir tar il cuntegn

Header

cuntegn

Cussegl federal pretenda Numers d'urgenza ston esser cuntanschibels

La «cuntanschibladad da numers d'urgenza» è da nov ina da las finamiras strategicas per la Swisscom. Quai ha il Cussegl federal decis. En consequenza dals problems cun la rait da telefon ha il Cussegl federal era aschuntà la fidadadad en las finamiras strategicas. Stabilitad e disponibilitad na dastgian betg patir en in'infrastructura focussada sin il futur.

Tenor il Departament federal per ambient, traffic, energia e communicaziun UVEK spetgia la Confederaziun che la Swisscom lavuria era exemplaric tar il tractament egual da dunna ed um. Sco acziunari principal pretendia ella er, che l'interpresa fetschia ina contribuziun substanziala per l'access a la rait en tut la Svizra.

audio
Per tadlar: Las novitads da las 16:00
02:24 min, RTR Audio dals 24.11.2021.
laschar ir. Durada: 02:24 minutas.

RTR novitads 16:00

Artitgels legids il pli savens

Scrollar a sanestra Scrollar a dretga