Siglir tar il cuntegn

Header

audio
Per tadlar: curt e cumpact
Or da RTR Audio dals 02.12.2022.
laschar ir. Durada: 1 minuta 15 Secundas.
cuntegn

Cussegl federal propona Decleraziun da taglia separada per pèrs maridads

Per tuttas persunas en Svizra duai valair la medema tariffa da taglia e l'obligaziun d'emplenir ora in'atgna declaraziun da taglia. Quai è la cuntraproposta dal Cussegl federal a l'iniziativa «per in'imposiziun da taglia individuala, independenta dal stadi civil».

Il Cussegl federal recumonda da refusar l'iniziativa «per in'imposiziun da taglia individuala, independenta dal stadi civil» che las dunnas da la PLD han lantschà. Las lavurs per formular la cuntraproposta da l'iniziativa – pia ina nova lescha per in'imposiziun da taglia individuala – sajan gia avanzadas.

Pervi da la midada quinta il Cussegl federal cun radund ina milliarda francs damain entradas. I vegnia dentant pli attractiv da lavurar per persunas ch'èn en ina lètg e na lavuran betg.

Ils detagls èn anc averts

Per il cas che mo ina persuna dal pèr ha in'entrada, metta il Cussegl federal en discussiun duas opziuns:

  • Ina che levgescha la chargia fiscala da la persuna cun entradas. Il levgiament pudess cumpigliar fin 14'500 francs per la persuna cun entrada.
  • Ed ina segunda senza levgiament.

Era la deducziun per uffants duai vegnir augmentada, perquai che l'effect sa sminuescha cun l'imposiziun da taglia individuala.

Fin ils 16. da mars èn chantuns, partidas ed organisaziuns envidadas da prender posiziun tar la midada proponida.

RTR novitads 15:00

Artitgels legids il pli savens

Scrollar a sanestra Scrollar a dretga