Siglir tar il cuntegn
cuntegn

Svizra Cussegl federal protegia bursa svizra

Sche l'Uniun europeica na dat betg l'equivalenza a la bursa svizra, na pon las bursas da l'UE betg pli far commerzi cun aczias svizras.

Purtret d'in visur a la bursa svizra.
Legenda: La mesira saja ina mesira da protecziun per la Svizra e betg ina da sancziun per l'UE. Keystone

Senza la mesira dal Cussegl fedral perdiss la Svizra tenor cifras da la Confederaziun, in volumen da commerzi da 60-80%, sche l'Uniun europeica na renconuscha betg la bursa svizra sco equivalenta. Cun il «plan B» na sajan las consequenzas betg pli decisivas per la bursa svizra.

Il «plan B»

Quest «plan B» scumonda a bursas che n'èn betg renconuschidas da la Svizra, da far commerzi cun aczias svizras. Pertutgadas fissan las bursas da l'Uniun europeica, sche l'UE na dat betg l'equivalenza a la Svizra. Uschia vegnan ils commerziants sfurzads da far commerzi cun aczias svizras a las bursas svizras.

La mesira vala per trais onns, scroda dentant immediat, sche la bursa svizra survegn l'equivalenza da l'UE.

Nagina sanziun

Il Cussegl federal accentuescha che la mesira n'è betg ina sancziun. A las bursas da l'Uniun europeica na fetschia la mesira nagin donn. I saja ina mesira che duai proteger la bursa svizra.
RR novitads 18:00