Siglir tar il cuntegn

Header

cuntegn

Svizra Cussegl federal rinforza sia posiziun cunter «No Billag»

Il Cussegl federal recumonda al parlament da refusar l'iniziativa «Gea a l'aboliziun da las taxas da radio e televisiun», curt «No Billag». Da sia sesida da la mesemna ha el deliberà il messadi al parlament.

Gia en il rapport dal zercladur passà davart examinar la definiziun e las prestaziuns dal service public, aveva il Cussegl federal explitgà che la Svizra dovria en tuttas regiuns linguisticas dal pajais in service public da buna qualitad. Abolir las taxas avessi per consequenza che la SRG/SSR ed ils emetturs privats, che survegnan ina part dals daners da taxa, na pudessan betg pli ademplir lur incumbensa.

Il Cussegl federal propona al parlament da refusar l’iniziativa «No Billag» senza in cuntraproject direct e senza ina cuntraproposta indirecta. Suenter la veglia dal Cussegl federal duain las taxas da radio e televisiun restar stabilas, fin al nov sistem da taxas che va probablamain en vigur l’onn 2019. En pli prevesa il Cussegl federal da fixar la taxa per chasada il mument ch’il sistem vegn midà – sin pli pauc che 400 francs.

RR novitads 12:00

Artitgels legids il pli savens