Siglir tar il cuntegn

Svizra Cussegl federal s'engascha cunter turissem da cumpra

Il Cussegl federal vul prender mesiras per sbassar ils pretschs en Svizra ed uschia era franar il turissem da cumpra en l’exteriur.

Turists da cumpra en il center da cumpra Lago a Constanza.
Legenda: Turists da cumpra en il center da cumpra Lago a Constanza (maletg d'archiv). Keystone

Sch’ins pudess cun optimar las cundiziuns reducir ils custs en Svizra lura vegnessan era ils pretschs reducids. Quai fiss il meglier recept cunter il turissem da cumpra. Quai ha ditg il cusseglier federal Johann Schneider-Ammann vers la gastta Schweiz am Wochenende. La politica haja duas pussaivladas da stgaffir meglieras cundiziuns da basa numnadamain da reducir la birocrazia e da dismetter barrieras per il commerzi.

Pachet da mesiras

Cusseglier federal Johann Schneider-Ammann ha laschà elavurà in pachet da mesiras, cun il qual ils custs pon vegnir reducids ed uschia era ils pretschs quai che frainia il turissem da cumpra. Vinavant ha Schneider-Ammann ditg ch’el na possia betg scumandar da cumprar en l’exteriur ma mintg’in che cumpria en Svizra segireschia plazzas da lavur e la bainstanza en Svizra.

RR novitads 06:00