Siglir tar il cuntegn

Header

cuntegn

Cussegl federal Situaziun da segirtad volatila

Il Cussegl federal ha publitgà il rapport annual da la situaziun da smanatscha. La situaziun è volatila. Spezialmain la guerra en l'Ucraina ha tenor quel ina gronda influenza sin la segirtad da la Svizra. Las tensiuns tranter il Vest ed ils pajais da l’ost – Russia e China – èn creschidas e portan grondas sfidas. Quai munta ad in pegiurament persistent da la situaziun da segirtad. Ord quai resulta ch’ins stoppia rinforzar las cumpetenzas da constatar baud crisas.

Infrastructura critica

Tenor la valitaziun dal servetsch da spiunadi è il privel da terrur anc adina auzà. In punct central tar la segirtad d’infrastructura critica è la digitalisaziun. Quella è vegnida accelerada pervia da la pandemia da Covid-19 e la spertadad ha custà segirtad. Privel per questas infrastructuras exista tant da cyberattatgas sco era da sabotaschas ed attatgas fisicas.

Extremissem cun violenza

Las scenas extremas da dretg e sanester èn anc adina prontas da duvrar violenza . En la Svizra sco era en l’exteriur è da constatar ina radicalisaziun en correlaziun cun la polarisaziun e fragmentaziun che crescha cun las spartiziuns economicas, socialas e politicas.

audio
Per tadlar: las novitads da las 12:00
ord RTR Audio dals 09.11.2022.
laschar ir. Durada: 6 minutas 38 Secundas.

RTR novitads 12:00

Artitgels legids il pli savens

Scrollar a sanestra Scrollar a dretga