Cussegl federal: Suveran sto avair ultim pled

Il Cussegl federal refusa l’iniziativa RASA. El preschenta dentant duas variantas per ina cuntraproposta.

L'iniziativa RASA vul mantegnair ils contracts bilaterals cun l'Uniun europeica (maletg simbolic). Bild in Lightbox öffnen.

Legenda da maletgs: L'iniziativa RASA vul mantegnair ils contracts bilaterals cun l'Uniun europeica (maletg simbolic). Keystone

Sursiglir cuntegn supplementar

L’iniziativa RASA

Rasa è ina reacziun sin l’iniziativa d’immigraziun acceptada il 2014 e munta «Raus aus der Sackgasse». Finamira da l’iniziativa è da mantegnair ils contracts bilaterals cun l’UE. Ella vul stritgar l’artitgel en la constituziun senza remplazzament. Il desideri d'in'iniziativa burgaisa è vegnì inoltrà l’october 2015 cun 110’000 suttascripziuns.

L’impurtant en furma concisa

  • Il Cussegl federal preschenta duas variantas sco directa cuntraproposta per l’iniziativa RASA («Raus aus der Sackgasse«).
  • L’artitgel davart l’immigraziun duai restar en la constituziun.
  • La directa cuntraproposta duai puspè serrar la sfessa tranter constituziun e lescha.

Il Cussegl federal na vul betg stritgar l'artitgel d'immigraziun or da la constituziun, dentant adattar el.

Perquai propona la regenza duas variantas per ina cuntraproposta directa a l'iniziativa RASA, «Raus aus der Sackgasse».

Duas variantas

En l'emprima varianta duai l'artitgel d'immigraziun vegnir remplazzà cun in'ordinaziun.

Quest'ordinaziun duai reglar l'immigraziun uschia ch'ella resguarda il dretg public internaziunala. Vitiers vegniss stritgada l'ordinaziun transitorica per realisar l'iniziativa d'immigraziun da massa.

La segunda varianta vul sulet stritgar quest' ordinaziun transitorica.

Quai din iniziants e partidas


Franziska Barmettler, suprastanza RASA

«Sche nus retirain l’iniziativa sch’ina da las cuntrapropostas reussescha, na pos jau betg dir oz. RASA vegn a cussegliar e valitar las propostas cura ch’ellas èn concretamain avant maun. Nus avain adina ditg che nus avain trais cundiziuns: Che la via bilaterala vegn mantegnida, ch’i vegn stgaffì segirezza giuridica e ch’i dat uschia ina soluziun durabla e ch’ina tala proposta ha dapli schanzas tar il suveran che RASA.»
PartidasPLD e PS èn per la gronda part cuntentas, schebain ch’i dat reducziuns. Cunzunt la PPS sco mamma da l’iniziativa d’immigraziun crititgescha las duas propostas dal Cussegl federal e numna ellas nunduvrablas. Per la PCD è la segunda varianta meglra, la quala na midass betg l’artitgel davart l’immigraziun. Questa stritgass dentant clers termins per la realisaziun ord la constituziun.

RR novitads 16:00 / RR actualitad 17:00