Cussegl federal - Vignetta da tatgar u electronica?
Dasper la vignetta da l'autostrada che vegn tatgada vi da la fanestra da l'auto duai dar davent il 2022 era la pussaivladad d'avair ina vignetta electronica - quai vul il Cussegl federal.
La resistenza cunter dischmetter la vignetta da tatgar è stada memia gronda. Il Cussegl federal ha perquai decidì da betg remplazzar ella cun ina e-vignetta. La vignetta electronica duai vegnir introducida sin basa facultativa. Il pretsch resta sin 40 francs.
Tgi che sa decida per ina e-vignetta sto registrar ses numer da vehicul sur in'applicaziun via internet. Auter che la vignetta da tatgar n'è la vignetta electronica betg colliada cun il vehichel mabain cun il numer dal vehicul.
Vignetta
Avrir la boxSerrar la box
Ad onn survegn la Confederaziun radund 360 milliuns francs cun la vendita da vignettas. Quests daners vegnan impundids per manaschia e mantegniment da las vias naziunalas. Il 2013 ha il suveran refusà in auzament dal pretsch sin 100 francs.