Il 3. protocol creescha tenor il Cussegl federal la basa legala per pudair extradir pli spert. Concret po ina persuna arrestada vegnir extradida al stadi ester senza la dumonda d'extradiziun formala. Quai sche la persunas sezza ed il stadi èn d'accord.
Extradiziuns pli spertas da la Svizra ad auters stadis sajan pussaivlas gia ussa sin basa da la lescha davart l'agid giudizial. Il 3. protocol gidia ussa surtut che persunas en auters stadis europeics vegnian extradids pli spert a la Svizra, hai num en il messadi al parlament.
La cunvegna europeica d’extradiziun vala dapi il 1957 ed è vegnida amplifitgada ils onns 70 cun 2 protocols. Questa duai ussa vegnir modernisada. En Svizra na dovria quai cun quest nov protocol nagina adattaziun da leschas, scriva il Cussegl federal.
RR novitads 17:00