Il 2006 avevan la Svizra ed ils Stadis Unids gia negozià davart ina convenziun da commerzi liber. Cunzunt la resistenza dals purs svizzers aveva fatg fin a quests plans.
Ueli Maurer quinta d'avair dapli schanzas questa giada. Tenor il cusseglier federal è l'export en ils Stadis Unids ordvart interessant per ils purs svizzers. El numna en quest connex cunzunt spezialitads sco chaschiel e pulpa. Per questas sa laschian negoziar buns pretschs tar l'export. I dovria però ina midada da mentalitad en la branscha en il senn da dar dapli pais als exports.
RR novitads 17:00