Svizra - Cussegl federal vul cumprar dronas e simulaturs da sajettar
Il Cussegl federal vul cumprar dronas, simulaturs da sajettar e novs vehichels per l'armada svizra. Quai ha el decis cun deliberar il program d'armaziun 2015 che prevesa investiziuns da 542 milliuns francs.
Uschia duai vegnir remplazzà material che na saja betg pli giustifitgabel ord vista tecnologica, scriva il departament federal da defensiun.
Per l'onn current è dentant anc planisà in ulteriur program d'armaziun. Davart quel decidia il Cussegl federal probablamain la segunda mesadad da l'onn, ha annunzià il minister da defensiun Ueli Maurer.
