Siglir tar il cuntegn

Header

cuntegn

Svizra Cussegl federal vul dapli daners per l'armada

Il program d’armament 2015 è gia en consultaziun. Previs eran 542 milliuns francs per investiziuns. Uss auza il Cussegl federal il program d’investiziuns per l’armada sin 874 milliuns francs, quai communitgescha il Departament da defensiun.

Il program supplementar stat en connex cun il na per ils aviuns d’armada Gripen. Il parlament aveva sinaquai incumbensa il Cussegl federal d’immediat cumprar nov material d’armada. Cusseglier federal Ueli Maurer aveva alura annunzià ch’il Cussegl federal vegnia a preschentar in ulteriur program d’armament en il segund quartal.

332 milliuns francs dapli

Ils ulteriurs daners vegnan duvrads per remplazzar apparats da communicaziun, per cumprar muniziun e per mantegnair in sistem da defensiun cunter aviuns e vehichels per tut terren.

RR novitads 16:00

Artitgels legids il pli savens