La responsabladad da limitar ils students da medischina cun in test da qualificaziun stettia bain en la responsabladad dals chantuns. Pervi da la critica duai quel però vegnir prendì sut la marella, scriva il Cussegl federal sco resposta sin in postulat or dal Cussegl naziunal.
Postulat crititgescha il sistem vertent
Il cusseglier naziunal tessinais Ignazio Cassis aveva crititgà en ses postulat che la pratica actuala dal numerus clausus na resguardia betg las cumpetenzas socialas, l’abilitad da communitgar, il cumportament tar decisiuns e stress u l’empatia.
Ina gruppa d'experts duai examinar l'effizienza ed ils custs dal test e discutar davart in'alternativa. Ella duai preschentar in rapport fin la fin dal 2016.
RR novitads 15:00