Siglir tar il cuntegn

Header

cuntegn

Svizra Cussegl federal vul meglierar segirezza per giuvenils

Per videos e gieus electronics duai dar en Svizra ina limita da vegliadetgna unitara. Il Cussegl federal vul proteger megleir uffants e giuvenils da cuntegns nun-adattads.

Il Cussegl federal ha incumbensà il departament federal da l'intern d'elavurar fin la fin da l'auter onn ina lescha che reglescha las indicaziuns da vegliadetgna e las limitaziuns da vendita en l'entir pajais.

Ozendi na datti en blers chantuns naginas reglementaziuns legalas per la vendita da DVDs e gieus da computers. Luccas en il sistem dettia era tar Video on demand e plattafurmas da videos. Las reglas da las uniuns da la branscha sajan nunsufficientas. La regenza svizra examinescha era, co giuvenils pon vegnir protegids da purschidas da l'internet.

Ord quai motiv vul il Cussegl federal stgaffir in rom giuridic per exempel per controllas d'identitad. La federaziun avess incumbensa da survegilar e manar, ils chantuns e las uniuns da la branscha da metter en pratica la lescha per la protecziun dals giuvenils.

RR novitads 12:00

Artitgels legids il pli savens