Siglir tar il cuntegn
Inhalt

Svizra Cussegl federal vul prolungar il scumond da gruppaziuns da terror

Fin il 2022 duain gruppaziuns terroristicas sco il Stadi Islamic u Al-Qaida restar scumandadas.

Acziun da terror en l'Irac.
Legenda: Tenor il Cussegl federal duain tut las acziuns en connex cun gruppaziuns terroristicas vegnir sentenziadas. Keystone

La lescha federala che scada fin 2018 scumonda la commembranza en talas organisaziuns, sco era il sustegn cun material e persunal ma er propaganda e lavur da recrutaziun en Svizra. I smanatschan sentenzias da fin a tschintg onns praschun.

Sancziuns pli severas

Plinavant duai il scumond dad ir en in pajais ord motivs terroristics vegnir francà en il cudesch da dretg penal. Plinavant datti era sancziuns per finanziar, recrutar u scolar persunas per delicts terroristics.

La lescha era vegnida approvada dal parlament il december 2014. Ella è limitada fin la fin dal 2018. Sch’il parlament approvescha la prolungaziun entra quella en vigur l’entschatta dal 2019.

RR novitads 14:00