Siglir tar il cuntegn

Header

cuntegn

Svizra Cussegl federal vul salvar concessiun da l'SRG

Er en l'avegnir vul il Cussegl federal esser sulet responsabel per la concessiun da l'SRG. El refusa ina moziun da la cumissiun per traffic e telecommunicaziun dal Cussegl naziunal, che vul dar al parlament dapli participaziun al discurs.

La cumissiun vul ch'il parlament dat en l'avegnir la concessiun da basa. Il Cussegl federal avess suenter da far ina concessiun detagliada per l'SRG. Il Cussegl federal vul dentant sco enfin qua esser responsabel sulet per questa concessiun. En sia posiziun publitgada fa il Cussegl federal attent, ch'il parlament dettia gia oz la rama per la concessiun. Il parlament sappia midar la lescha cu el veglia per exempel per midar l'incumbensa dal program u per definir danovamain la purschida publicistica da l'SRG.

Il Cussegl federal dat era da ponderar che questa moziun pudess manar ad ina situaziun nua ch'ins n'haja nagina concessiun perquai ch'il parlament na chattia nagina cunvegna. Plinavant saja la situaziun momentana confurma cun la constituziun che procuria per l'independenza e la libertad dal program per radio e televisiun.

Fundament è da democratisar il provediment da basa da l'SRG

La cumissiun aveva fatg la moziun sin fundament da la dumonda da legitimar il provediment da basa da l'SRG pli democratic. Damondas tar la rolla e l'incumbensa da las medias electronicas èn uschia ni uschia sin maisa da l'agenda politica, pervi dal connex cun il rapport dal Service-Public dal Cussegl federal.

RR novitads 12:00

Artitgels legids il pli savens