Siglir tar il cuntegn
Inhalt

Svizra Cussegl federal vul salvar tschains minimal dad 1%

En sia seduta ha il Cussegl federal decidì ch'il tschains minimal en il provediment professiunal obligatoric resta sin 1%.

Purtret da la chasa federala a Berna.
Legenda: Keystone

La cumissiun federala per il provediment professiunal aveva proponì da sbassar quest tschains sin 0,75%. Tenor il Cussegl federal na saja betg inditgà da sbassar il tschains. El menziunescha sco motivs il bun svilup a la bursa ed ils tschains bass.

Cun il tschains minimal en il provediment professiunal obligatoric vegn fixà quants pertschients da la facultad che ston vegnir suttamess al tschains. Pli bass il tschains e pli pauc che la facultad dals assicurads crescha.

RR novitads 12:00