Siglir tar il cuntegn

Svizra Cussegl federal vul unir fonds AVS, AI ed UCG

Il Cussegl federal vul unir ils fonds da gulivaziun da l'assicuranza per vegls e survivents (AVS), l'assicuranza d'invaliditad (AI) e da l'urden da cumpensaziun dal gudogn (UCG).

maun cun carta nova dad avs
Legenda: Ils fonds da gulivaziun AVS, AI ed UCG duain vegnir manads ed administrads communablamain. Keystone

En l'avegnir duai quai dar ina suletta instituziun dal dretg public ch'administrescha ils fonds da las 3 instituziuns socialas. Quest institut fiss lura responsabel ch'i saja avant maun avunda daners per cuvrir ils custs da las prestaziuns.Il num dal fond: «compenswiss AVS/AI/UCG».

Structuras actualas maschadadas

Il mument èn ils trais fonds da gulivaziun sur sasez. Bilantschas e quints da gudogn e perdita èn era separads. Las investiziuns ed las finanzas liquidas vegnan però administradas communablamain. Era l'administraziun è centralisada en 1 post da gestiun ed en in cussegl d'administraziun communabel.

RR novitads 16:00