Tenor il Cussegl naziunal duai la Svizra esser represchentada a la proxima exposiziun mundiala ch’è il 2025 ad Osaka en il Giapun. Per quest intent ha il Cussegl naziunal concedì bunamain 17 milliuns francs ed approvà ina proposta dal Cussegl federal en chaussa.
Mussar l'innovaziun svizra
Il pavigliun svizzer duaja esser sut il motto «La Svizra innovativa» e demonstrar sco che l’innovaziun svizra contribueschia a la persistenza ed al bainstar. Tenor il minister da l’exteriur Ignazio Cassis saja il Giapun in partenari impurtant da la Svizra. Quai dal punct da vista economic sco er scientific. La Confederaziun vul reducir ils custs per 4,4 milliuns francs cun agid da sponsurs. Quels duain vegnir chattads tenor novas reglas dal Departament federal d'affars exteriurs (EDA). Las reglas èn vegnidas elavuradas suenter il sponsuradi cuntravers dal concern da tabac Philip Morris per l'Exposiziun mundiala a Dubai.
Sco proxim va la fatschenta en il Cussegl dals chantuns.
Or da l'archiv
La penultima exposiziun mundiala ha gì lieu il 2015 a Milaun
