Passa 28 milliardas francs duai la Confederaziun investir en l’educaziun e perscrutaziun ils proxims quatter onns. Suenter il Cussegl dals chantuns ha oz era il Cussegl naziunal decis ulteriurs sustegns per universitads, scolas ed centers da perscrutaziun.
Cumpareglià cun il messadi per la promoziun da l'educaziun, perscrutaziun ed innovaziun per la perioda actuala èn quai bun 2 miliardas francs dapli. Il Cussegl federal giustifitgà l'augment tranter auter cun l'avis sin differents projects da digitalisaziun. La maioritad dalla Chombra gronda era d'accord cun las propostas ed han perfin aunc augmentà tscherts puncts dal messadi.
Dapli daners duai per exempel la furmaziun professiunala survegnir. Chantuns ed organisaziuns che lavuran el sectur da la furmaziun supplementara duajan era survegnir dapli daners. Gest durant la crisa actuala saja impurtant da motivar persunas privatas da sa scolar vinavant haja gì num en la sala. Nagina chapientscha ha la maioritad dal Cussegl naziunal dentant gì tar las contribuziuns als stipendis ch'ils chantuns pajan.
