Siglir tar il cuntegn
cuntegn

Svizra Cussegl naziunal accepta cumpromiss tar la lescha d'armas

Il project da la revisiun da la lescha d'armas è pront per la votaziun finala. Il cussegl naziunal na va betg pli sin confruntaziun cun l'Uniun europeica (UE) tar las midadas dal dretg d'armas. El ha approvà la proposta da cumpromiss dal cussegl dals chantuns.

Procurà per discussiuns ha surtut la regla pertutgant il cumprar e posseder gronds magasins d'armas ed il marcar las parts essenzialas da las armas.
La perdenta da la debatta è la PPS che vuleva restar dira vers l'UE. Suenter la terrada vegn la partida probabel a lantschar il referendum sco smanatschà.

La finamira da la revisiun è dad armonisar il dretg d'armas svizzer cun las directivas d'armas da l'UE. Lezza aveva fatg sias reglas pli restrictivas suenter ils attentats a Paris dal november 2015. La Svizra sco commembra da la cunvegna da Schengen ha da surprender las midadas fin la fin da matg.

RR novitads 18:00