Siglir tar il cuntegn

Header

cuntegn

Cussegl naziunal Cumissiun da gestin è cuntent cun cumpensaziun da gudogn

La cumpensaziun dal gudogn per persunas cun entradas independentas haja funcziunà bain en la crisa da corona. Quai malgrà il grond ristg d’abus. A questa conclusiun vegn la cumissiun da gestiun dal Cussegl naziunal suenter avair analisà il sustegn en ils emprims mais.

Ins haja acceptà il ristg d’abus per pudair introducir il pli svelt pussaivel in sistem simpel e betg birocratic. Las autoritads da surveglianza hajan fatg ina buna lavur. Be paucs cas d’abus sajan vegnids enconuschents, hai num en ina communicaziun.

La cumissiun vesa però era potenzial da meglieraziun, per exempel tar la collavuraziun dals uffizis federals. Plinavant duess la Confederaziun en futur esser preparà meglier sin uschè ina situaziun. In punct che la cumissiun fa er attent: La crisa da corona haja mussà deblezzas generalas en il sistem, quai che pertutga la surveglianza da la cassa da cumpensaziun e la digitalisaziun.

audio
Per tadlar: Las novitads da las 17:00
ord RTR Audio dals 18.02.2022.
laschar ir. Durada: 4 minutas 58 Secundas.

 

RTR novitads 17:00

Artitgels legids il pli savens

Scrollar a sanestra Scrollar a dretga