Siglir tar il cuntegn

Header

cuntegn

Cussegl naziunal Cumissiun vul lubir ch'armas svizras vegnan dadas vinavant

La Cumissiun per politica da segirezza dal Cussegl naziunal vul far pussaivel ad auters pajais da furnir material da guerra svizzer a l'Ucraina. Fin uss n'è quai betg lubì. Uss ha ella preschentà ina nova regulaziun. Pajais dastgan dar vinavant material sche

  • els han sumegliantamain autas controllas d'export d'armas sco la Svizra
  • il pajais che survegn las armas sa dosta cunter in'attatga cuntraria al dretg internaziunal (il Cussegl da segirezza da l'ONU sto decider quai cun ina maioritad da dus terzs)
  • la vendita dal material tras la Svizra sto gia esser capitada avant dapli che tschintg onns
  • ed il Cussegl federal sto finalmain er approvar la surdada d'armas.

Quai prevesa la proposta, ch'è cunzunt vegnida elavurada da la PLD e la PS. Cunter la surdada d'armas a partidas da guerra èn cunzunt la PPS ed ils Verds.

RTR novitads 20:00

Artitgels legids il pli savens